Mae Gemau’r Chwe Gwlad wedi cyrraedd: Ble i’w gwylio ledled y byd
Yng Nghymru, mae Chwefror a Mawrth yn rhai o’n hoff fisoedd. Mae Mawrth 1 yn Ddydd Gŵyl Dewi, ond hefyd mae’n adeg un o’n hoff dwrnameintiau – Gemau’r Chwe Gwlad! Yr awyrgylch, y tensiwn, pawb yn tynnu coes; os ydych chi’n Gymro, gallwch deimlo’r teimlad yn gryf! Ond pa ffordd sydd orau i wylio’r gêm os nad ydych chi yng Nghymru ar ei chyfer, ond yn gweld eisiau bod yn rhan o’r cyffro?
![Welsh Nation | Wales International](https://static.wixstatic.com/media/3bdacf_fb0644f5bff94357b63ad6ad306c752d~mv2.jpg/v1/fill/w_555,h_416,al_c,q_90,usm_0.66_1.00_0.01/3bdacf_fb0644f5bff94357b63ad6ad306c752d~mv2.webp)
Mae Gemau’r Chwe Gwlad yn dechrau gyda’r bois mas ym Mharis yn y Stade de France, ac roedden ni eisiau gadael i chi wybod rhai o’r lleoedd gorau i wylio’r gemau ledled y byd gyda’ch cyd-gefnogwyr. Er y’u henillwyd gan Iwerddon y llynedd, daeth Cymru’n ail, wrth ennill pob un o’r gemau cartref yn erbyn yr Alban, yr Eidal a Ffrainc. Mae nifer yn ystyried (ac yn gobeithio) mai ni fydd y rhai dan orthrwm a all ennill eleni. Gyda gemau yng Nghaerdydd yn erbyn Iwerddon a Lloegr eleni, a dyma fydd twrnamaint olaf Warren Gatland fel hyfforddwr, mae gennym ffydd y gall y bois ennill y teitl fel y gwnaethon nhw yn 2005, 2008, 2012 a 2013!
Dyma gemau tîm Cymru eleni::
- Ffrainc – Stade de France – Dydd Gwener, Chwefror 1
- Yr Eidal – Stadio Olimpico – Dydd Sadwrn, Chwefror 9
- Lloegr – Stadiwm Principality – Dydd Sadwrn, Chwefror 23
- Yr Alban – Stadiwm Murrayfield – Dydd Sadwrn, Mawrth 9
- Iwerddon – Stadiwm Principality – Dydd Sadwrn, Mawrth 16
Lleoedd i’w gwylio:
Y Deyrnas Unedig A fyddwch chi ym mhrifddinas Prydain eleni ar gyfer Gemau’r Chwe Gwlad? Hoffech chi osgoi cefnogwyr Lloegr tan i ni eu curo ar y maes?! Os felly, ymunwch â’ch cyd-gefnogwyr ym Mharc yr Hen Garw (Old Deer Park) – sydd yn gartref i Rygbi Cymreig Llundain – yn Richmond, lle bydd addewid o’r un awyrgylch â Stadiwm Principality ar gyfer y gêm rhwng Cymru a Lloegr!
Opsiwn arall ydy mynd i Ganolfan Gymraeg Llundain. Maen nhw’n croeso cannoedd o gefnogwyr yn y Brif Neuadd, a wnewch chi ddim colli munud o’r gêm gan fod yna sgrîn 170 troedfedd o hyd sy’n dangos y gêm!
![Welsh Society Belgium](https://static.wixstatic.com/media/6b35a8_7ad93f89480d4dab9f5e41eaf05aa478~mv2.png/v1/fill/w_555,h_369,al_c,q_90,usm_0.66_1.00_0.01/6b35a8_7ad93f89480d4dab9f5e41eaf05aa478~mv2.webp)
Gwlad Belg
Gall Cymdeithas Gymreig Brwsel eich helpu os ydych chi’n ymweld â Gwlad Belg yn ystod Gemau’r Chwe Gwlad eleni! Dewch chi o hyd iddyn nhw yn y dafarn argymelledig, The Wild Geese, yng nghanol Chwarter UE Brwsel. Gydag awyrgylch cyfeillgar, hanes helaeth o gefnogi’r rheini sydd i ffwrdd o’u cartrefi, a detholiad difyr o gwrwau, fe wnewch chi deimlo fel y petaech chi ’nôl yng Nghymru.
Ffrainc
Os ydych chi’n ddigon lwcus i gael tocyn i’r gêm rhwng Ffrainc a Chymru, gallwch chi gwrdd ag aelodau Cymdeithas Cymry Paris am ddiod fach cyn y gêm ger y stadiwm. Byddan nhw’n cyfarfod ar ddiwedd yr esgynfa sy’n cyrraedd o’r ER B station La Plaine Stade de France o 7 o’r gloch ymlaen.
Am weddill y gemau, ewch i’r Scottish Auld Alliance, sef tafarn lle mae aelodau’r gymdeithas yn cwrdd yn aml ar ddiwrnod y gêm.
America
Ydych chi yn Efrog Newydd eleni? The Liberty NYC yw’r lle gorau i wylio’r gêm yn y ddinas! Mae’r bar yma yng nghanol Manhattan ac yn steilus , gyda digonedd o le i wylio’r gêm ar un o’r sawl sgrîn sydd yna.
![Welsh Society Canada](https://static.wixstatic.com/media/6b35a8_584748c3474c4cac8821f776f271d390~mv2.jpg/v1/fill/w_555,h_264,al_c,q_90,usm_0.66_1.00_0.01/6b35a8_584748c3474c4cac8821f776f271d390~mv2.webp)
A beth os ydych chi yn Pennsylvania? Mae Cymdeithas Dewi Sant yn Pittsburgh yn eich gwahodd i ymuno â nhw yn Claddaugh, tafarn Wyddelig tua’r de o Pittsburgh.
Canada
Yn ôl ein ffrindiau yn Toronto, mae dim ond un opsiwn sy’n werth ei ystyried wrth wylio chwaraeon rhyngwladol:
Scallywags – Bwyty/Canolfan chwaraeon yn Rhodfa St Claire / Heol Yonge (St Claire Ave/Yonge Street) yn Toronto.
Yn Vancouver? Mae tafarn o’r enw “The Red Dragon” sy’n lle cyffredin i ddod o hyd i aelodau Cymdeithas Gymreig Vancouver.
Seland Newydd
Rygbi, ffermydd a defaid – mae llawer yn gyffredin rhyngom ni â’r kiwis! Os ydych chi o gwmpas Wellington, argymhellwn eich bod chi’n ymweld â’r Welsh Dragon Bar, yr “unig dafarn Gymreig yn Seland Newydd”, yn ôl nhw. Gyda staff a bwyd Cymreig, ac yn bwysicach oll – cwrw Cymreig! Wnewch chi ddim hyd yn oed sylwi’r gwahaniaeth yn yr amser rhwng Seland Newydd a Chymru!
Yn rhywle arall yn Seland Newydd? Er ei bod hi’n dafarn Wyddelig, mae’r Munster Inn yn dafarn lle mae Clwb Cymreig Auckland yn cyfarfod – a bydd yn ddewis perffaith ar gyfer y gêm rhwng Cymru ac Iwerddon.
Awstralia
Ydych chi o gwmpas Awstralia? Os felly, gwnewch yn siŵr eich bod chi’n dweud “iechyd da” yn Cheers, sef tafarn boblogaidd ar George Street yn ei hardal fusnes ganolog, ac yn dafarn leol i Gymdeithas Cymry Sydney. Maen nhw’n dangos y prif chwaraeon i gyd ac mae’n lle da i wylio’r gêm!
Beth am Melbourne? Dewch chi o hyd i’r Melbourne Welsh yn y Crafty Squire. Yn ogystal â gwylio’r gêm gyda chwmni da – cewch chi’r cyfle i flasu cwrwau o’r bragdy yma!
![Welsh Pub Hong Kong](https://static.wixstatic.com/media/3bdacf_e21c95419c5e442ba03906519d41da52~mv2.jpg/v1/fill/w_555,h_344,al_c,q_90,usm_0.66_1.00_0.01/3bdacf_e21c95419c5e442ba03906519d41da52~mv2.webp)
Hong Kong
Os ydych chi’n benderfynol o wylio’r gêm, er gwaetha’r gwahaniaeth amser rhwng Hong Kong a Chymru, rydym yn eich cymeradwyo chi! Rydym ni wedi clywed mai Delaney’s The Irish Pub yw’r lle gorau i aelodau Cymdeithas Dewi Sant Hong Kong gwrdd â’i gilydd, sef tafarn Wyddelig gyntaf Hong Kong a agorwyd ym 1994.
Ydyn ni wedi hepgor lle? Gadewch i ni wybod ble rydych chi’n cwrdd ar Facebook neu Twitter, a gyrrwch luniau o’r holl hwyl a dathlu atom! Tan hynny, bloeddiwch a chefnogwch! Dere ’mlaen bois!